Psalms 84
Kari Kaem ko laili kuwim ko ninguru kueso ware ko den
(Kora ko kuriang alo nunga wur bo)
1O Kaem Sokel Karogo, nika kuwim kako mu am yawarakala!2Ani mu te bagirikko kua lagasam!
Ni sokel karogo, ni aninga king se aga Kaem.
Ni la marak duap, se aninga adera, angamang, angimik guang lilim la nika kawam kako mu te nikarak bagirikko ko kuesam!
Inanganang gotektek nika alta duap te singir mosan ale
nunga gotek nunga sinar tasan butata.
4Se kariimet nika kawam ningi baga se, nika wur ilu se, nika nip patowasan, mu ninguru amilmilomonko!
5Kariimet nikate sokel togilingisan,
ale duruk Saion te namomonko ko nongomang biyala aniso,
mu nuna tom suen biya amilmilomonko!
6Tom tai gusong Ma Niara ko masan mu te kapasan, sor garagarayam mu te, bare mu kuwim mu yu te aratuwara iwitata, se tuwik kaposo se yu laiwoso iwitata geragukko.
7Se sokel amilmil ago la lagomonko.
Ale namomon Kaem Biya Saion bagoso mu aringimonko.
8Kari Biya Kaem Sokel Karogo, aninga ngatang ikiko!
O Jekop ko Kaem, ikiko!
9Nanga king nigita nangarem bare marak tuiko!
10Ani nika kawam ningi bagirikko ninguru ko kuesam.
Ani sor aguwaya mu te tom 1000 ko bagasam, bare aking tom suwanta ko nika kawam ningi bagasam mu tom 1000 mu kiaso.
Ani kari nunga ikia memek mu nunga kawam bibiya ningi arungu bagirikko me ko kuesam.
Aninga Kaem ko kawam ko songkuring ago sanami se bagirikko mu ko kuesam.
11Mu awuk, Kaem mu anananga King se nanga karem.
Nu gomang nangarso, ale nup biya nangarso.
Nu kariimet munan diram la betesan mu anapeya mel te me nogore iluso, mel ningo ningo nungarso.
12O Kaem Sokel Karogo, kariimet ni ko ko nongomang ningi nunguning mu ninguru amilmilomonko!
Copyright information for
WSK